ការផ្តល់ដង្ហើមសិប្បសិម្មិត

របៀបផ្តល់ដង្ហើមសិប្បនិមិ្មត

អ្នកនឹងអាចជួបនូវហេតុការណ៌ជាយថាហេតុដែលតម្រូវអោយអ្នកធ្វើការសង្គ្រោះជនរងគ្រោះជា បន្ទាន់តាមដែលអ្នកអាចធ្វើ​ បាន!

ការរផ្តល់ដង្ហើមសិប្បនិម្មិត គេអាចធ្វើសូម្បីតែនៅពេលជនរងគ្រោះនៅដង្ហើមខ្សោយផ្តឹកៗមិនទាន់ ដាច់ខ្យល់ក៏អាចធ្វើបានដែរ។​ នៅពេលអ្នកផ្តល់ដង្ហើមសិប្បនិម្មិត អ្នកត្រូវផ្លុំខ្យល់ដង្ហើមចេញអោយ ស្របនិងការដកដង្ហើមរបស់ជនរងគ្រោះ។​

ជំហានទី១

·       ដាក់ជនរងគ្រោះអោយដេកផ្ងា មុខឡើងលើ

·       ការឆ្លើយតប-តើជនរងគ្រោះដឹងខ្លួនរឺទេ?

·       ពិនិត្យមើលចលនាដើមទ្រូងដាក់ត្រចៀករបស់អ្នកលើមាត់របស់ជនរងគ្រោះ ដើម្បីពិនិត្យមើលដង្ហើម។​

·       ហៅរកជំនួយ។​

ជំហានទី២

លើកចង្កាឡើង បើសិន ក​ ជនរងគ្រោះគ្មានរបួស

·       ផ្អៀងក្បាលជនរងគ្រោះដើម្បី “ហិតក្លិន” (មានក្លិនអ្វីចេញមករឺទេ) ដោយយកដៃម្ខាង ទៀតទ្រ ក របស់គាត់ចុះ ក្រោម។​

·       សង្កត់អណ្តាត និង​ចង្ការបស់ជនរងគ្រោះនៅចន្លោះម្រាមដៃរបស់អ្នក រួចជូតសំអាត វត្ថុដែលនៅជាប់ក្នុងមាត់របស់គាត់ចេញដោយប្រើម្រាមដៃ និង កូនកន្សែងដៃហើយ ពិនិត្យមើលអណ្តាតរបស់គាត់កុំឲធ្លាក់ទៅក្រោយ។​

ជំហានទី៣

ច្របាច់ច្រមុះជនរងគ្រោះឲជិតរួចដកដង្ហើមរបស់អ្នកឲវែង ដាក់មាត់របស់អ្នកជាប់ពីលើមាត់របស់ ជនរងគ្រោះ ហើយផ្លុំខ្យល់ដង្ហើមបញ្ចូលមាត់របស់គាត់​ ២​ដងយ៉ាងលឿនជាប់ៗគ្នា។​ បើសិនកូនក្មេង ដាក់មាត់របស់អ្នកពីលើច្រមុះ និងមាត់របស់គេ។​

ជំហានទី៤

ដក់មាត់អ្នកចេញពីមាត់របស់ជនរងគ្រោះ។​ ក្រលេកមើលទ្រូងរបស់គាត់​ អ្នកអាចសង្កេតឃើញថា ចលនាដើមទ្រូងរបស់គាត់ធ្លាក់ចុះវិញ ហើយស្តាប់សំលេងខ្យល់ស្ទុះចេញមក។ អ្នកទទួលអារម្មណ៌ ថាខ្យល់ដង្ហើមរបស់គាត់ប៉ះមុខរបស់អ្នក។​ បើសិនគ្មានទេ ចូរព្យាយាមបពា្ចូលខ្យល់តាមមាត់របស់ គាត់ម្តងទៀត។​ ម្តងនេះត្រូវបញ្ចូលខ្យល់អោយខ្លាំងជាងមុន។​ បើសិនជាទ្រូងរបស់គាត់នៅតែមិនធ្វើ ចលនាឡើងទេ នោះបំពង់ខ្យល់របស់គាត់អាចនឹងស្ទះហើយ។​ បើសិនជនរងគ្រោះជាកូនក្មេង ទះ ខ្លាំងៗនៅចន្លោះស្មា ហើយសំអាតវត្ងុដែលធ្វើអោយស្ទះចេញពីមាត់របស់គេ។​ បើសិនជនរងគ្រោះជា មនុស្សធំ ធ្វើវិធីប្រើកំលាំងជំរុញចុងដង្ហើម (Heimlich maneuver) (នឹងមានប្រាប់ពីវិធីនេះនៅអត្ថបទ ក្រោយ)។​

ជំហានទី៥

បន្តផ្លុំខ្យល់បញ្ចូលសួតជនរងគ្រោះរាល់ប្រាំនាទីម្តង (ម្តងៗផ្លុំ ១២ ទៅ ១៤ដងក្នុងមួយនាទី) រហូត ទាល់តែជនរងគ្រោះដកដង្ហើមបានដូចធម្មតា ឬរហូតដល់ក្រុមសង្គ្រោះបន្ទាន់មកដល់។​

ប្រយ័ត្នៈ នៅពេលដែលអ្នកបញ្ចូលខ្យល់ដង្ហើមមាត់ទល់នឹងមាត់ទៅលើទារក ឬក្មេងតូចៗ ចូរចាំថា ប្រហោងសួតរបស់គេតូចណាស់។​ កំុផ្លុំខ្យល់ចូលសួតរបស់គេតឹងខ្លាំងពេក។​ លោកអ្នកដកដង្ហើម បំពេញក្នុងថ្ពាល់របស់អ្នកប៉ុណ្ណោះ។​ ផ្លុំបញ្ចូលខ្យល់តិចៗ ហើយសំឡឹងមើលទ្រូងរបស់គេឡើងចុះ។​ បើផ្លូវខ្យល់ស្ទះចាប់ជើងរបស់ក្មេង លើកឡើងលើ ហើយទះនៅចន្លោះស្មារបស់គេ៕

ឯកសារយោងៈ សៀវភៅវេជ្ជសា្រស្តគ្រួសារ